Silpu-silpo

[BB-M]

Kas kuna dayta titulo na, ituloy mo ta estorya....

Idi un-una na nga panawen, adda agasawa nga ilokano ken ilokana, agnaedda iti maysa nga......

[SuperGlow]

^
....Kalapaw....adda tallo nga annak da....duwwa nga lalaki ken maysa nga babai...

[BB-M]

... inauna diay babai ti nagan na ket ilokanita. Diay met lalaki ti nagan na ket ilokanito. Maysa nga aldaw napan da nangayo idiay bantay Bimmaboy ket nakasabat da iti......

[daguerrson]

baboy.

Papanam Baboy? sinaludsudda. Inyangad ni baboy di ulona ket dandanina naisarabuab ti pandiling di babai gapu ti kaatiddog ti sungona.....

[BB-M]

...Salaki!!! Imbugkaw ni ilokanito.
Taray-pugiit ngarud diay baboy. Madamdama pay nagsubli diay baboy ket kadwua na ti amo na nga makapungtot ken ngumaretnget. Kinunana kadagiti agkabsat...

[MHTS]

..."Idarum mi dayta nga baboy yo nana Mooding." Impasaruno met ni Ilokanito, "Wen nana, idarum mi ti Sexual Harrasment, ta sarubsuben na ketdi daytoy kabsat kon?", "Hmmmp" impasaruno ni Ilokanita. Nagmuregreg ni nana Mooding ket insungbat na...

[gr8-one]

....."Pagpasensiyaan yo la kadin ni Kababuyan annak ko ket dina ammo ti araramiden na? Nu maibalud isuna, agleddaangak la ketdi isu nga pasensiyaan yo koma lat bassiten." Nagkinnita dagiti agkabsat nga ilokano ken ilokanita ket kalpasan ti sumagmamano nga kanito, nagtimek ni Ilokanito ket insungbat na.....

[jackie]

nana Mooding, apay ga agleddang ka no maibalud deta perverted nga baboy mo....

[juVans]

Idi kuan, immutot ni Apo Langit. Nagdanag dagitay agkabsat ta adda maangot da a nabungsot. Agpinnabasol da koma ngem insigida a nagungik tay baboy.

:mrgreen:

[MHTS]

Nag nerbiyos ni nana Mooding, ti ammo na ket partiendan ni baboy na. Ngem nagtalnada sada amin nagkikinnita, ammodan no sinno ti naggapwan diay angot nga nabungsot. Idi kuwan lumabas ni tata Isko nga nakasakay ti nuang na ket dinamagna...

[daguerrson]

"Apay ta kasta la unay ti tengngaagyo kaniakon! Siak man ti pabasolenyon? Hoy, saanak nga mangkukulam, tapno ammoyo! Dayta nabangsit nga angot, awan ti bibiangko kadayta."Ket inggiddatona nga inyablat ti murdong ti tali diay bakrang ti nuangna, nga isu met ti nagkulagtitan ni Pangok. . . .

[gr8-one]

...inta man laengen Pangok! Awan ti panawen ko iti kakastoy nga banbanag. Agidarum kayo nu kayat yo! Agkikita tayo idiay korte nu kayat yo! Haanak nga mabuteng tapno ammo yo! Tunno kuwan mangipila ak met it counter-charge kanya yo? Kayat yo ha?
Nagsidda aw dagiti agkabsat ket arig na naggiddan da nga nagsaludsod iti: "Anya koma met nga kaso ti pangidarumam kanyami nana?"

Insungbat met ti baket ti......

[MHTS]

"...Attempted Murder." In-ngaritngit ni baket Mooding. Sana impasaruno "Ammok nga kayat yo nga partien daytoy nga baboy ko, ta agbirthday diay adiyo nga ni Burido."

"Saan Nana.." insungbat ni Ilokanita. "Ado ti manok mi, bakbaketan nga sungit." Insungbat met ni Ilokanito nga nakadalikepkep.

Nagbagusot ni baket Mooding sana in-nala diay...

[Leona]

......barikes na nga tela nga madi pay nalablabaan ti duan nga bulanen. Kinunana: Madi kayo nga aglastog lastog kanyak, daytoy nga barikes ko ket makapatay, mabalin kayo nga bekkelen. Ammok ta ganyados yo nga kunam la no malalaki kayo ngem ....

[MHTS]

...am-ammok ni Tatang yo. Boyfriend ko idi ngem dina ammo ti bumisito, isu ammok nga adda ti pamaklaen na." Sabay nga ing-ngato na diay dua nga imana ket inunnat na diay barikes na nga nu aniat angutnan.

Saan nga maka anges diay agkabsat ti angot diay kili kili na, uray pay nu kasta, kinunana latta ni Ilokanito...

[Leona]

.... Nanang, saan ka unay nga ag highblood. Isu met laeng nga nagsina kayo kenni Tatang mi ta nasao kayo met la unay ngamin. Uray no kasta, mabalin sa met nga dayta baboy yo ken tay baboy mi nga adda diay koral mi ket .......

[juVans]

Iti sabali a disso, mayat pay la ti ur-urrok ni juVans. Naimas ti turog na ta nabannog a nagsakdo idi rabii. Sinakduan na ni nana Emerald ta kasapulan na la unay iti danum. Ms. Esmi ti awag ti kaaduan kanyana ta isuna ket maysa a baket a balasang a di pay nakaraman iti sairo ni ayat. Adu met ti umar-arubayan ngem awan latta ti gasat. Adda taga-States a kapenpenpal na idi ngem aginggana kadagitoy ket di pay nagsubalit.

:D

[juVans]

Commercial pay laeng:

"Hoy babai di la mabalin a gayyemen ka?"

"Di mabalin hoy lalaki?

"Sapay a dimo kayat, siak met ti mr. pogi ditoy?"

"Hoy lalaki...pagan-annoka dugyot! No kayatnak a armen masapul nga adda lugan mo. Masapul a adda kotsem. Masapul a mercedez, bmw wenno ana ditan pwera laeng tay bulok."

"Hoy babai, apay ta pe#p#k mo ket paggarahiyan?"


:hb:

[daguerrson]

'Niat nagbalinanna daytoy nga panaiten? Nalpas ti commercial nan juVans? :lol: :lol: :lol: :lol: :lol: :lol:

[touchstone]

'Niat nagbalinanna daytoy nga panaiten? Nalpas ti commercial nan juVans? :lol: :lol: :lol: :lol: :lol: :lol: :lol: :lol: :lol: :lol: :lol:

[daguerrson]

...am-ammok ni Tatang yo. Boyfriend ko idi ngem dina ammo ti bumisito, isu ammok nga adda ti pamaklaen na." Sabay nga ing-ngato na diay dua nga imana ket inunnat na diay barikes na nga nu aniat angutnan.

Saan nga maka anges diay agkabsat ti angot diay kili kili na, uray pay nu kasta, kinunana latta ni Ilokanito...


:mrgreen: Hahahahaha :lol: :lol: :lol: :lol: :lol: :lol: :lol: :lol: :lol: :lol: :lol: :lol: Hahahahahaha (Sound effect daytoy) :mrgreen:

[MHTS]

Kabayatanna, nagawid ngarud dagitay agkabsat nga maul-ulaw ti angot ti kili-kili ni nana Mooding ken tay uttot diay baboy na. Pinidot met ni nana Mooding diay walis-tingting na ta napan na met intuloy ti nagkaykay.

Idi nakadanon dagitay agkabsat diay balay da, malagip da nga nalipatanna gayam digitay napan da kinayo. Iti met la dayta nga kanito, madama met nga sapsapulen ni Pangok diay baboy diay kaaruba nga koral ta adda Bola nga baboy nga matmaturog. Kinuna ngarud ni Pangok..."Psssssttt, hoy Bola... umayka man ditoy ta..."

[daguerrson]

Bimmarinkuas ni bola manipud ti nagpaklebanna nga tapok ket gapu ti pigsa ti panangikuy-at na kadagiti saksakana, immatimpayok ti tapok nga naangseg gapu metla kadagiti isbo ni bola. Inwarasna ti panagkitana babaen dagiti mukatmukat nga matana ket nagsaltek ti panagkitana ti makaguyugoy nga langa ti takong nga mangmatmatmat kenkuana. Wow, seksi! nakunana iti nakemna. . . . .

[MHTS]

...ania ngata ti kayat na daytoy seksi nga baboy? Siguro kayat na ti umay agtakaw ti kanek nga lambaan ken balangeg." Napan ngarud ni Bola diay asideg na sana kinuna...

[touchstone]

'naimbag a bigat mo seksi...wanna try my food? kalutluto unay. mabisin ka kadi? taga ano ka seksi..."siak gayam ni bola"......ket ti sungbat ni seksi.......

[Leona]

Hmmmp, itsuram laeng kuna met ti rik rika ni Baboy seksi. Pagan ano ka met aya ket native ka met. Nagngisit ka. Medyo mapilpilitan diay isem ni seksi nga nag kuna ken ni Bola..... Okey lang manong Babs, sibibussogak pay laeng. Kasla met nasair diay rikrikna ni Bola isu nga ........

[touchstone]

nagpauyo, iti kunana.."apay kasla ka met no sino a napintas dita..nakaluklukmeg ka met...umay mo pay agawen ditoy makan ko"..ngem joke kuna met lang ta uray kasyay ti imbaga..tatta na lang narikna nga kasla kayat na ni seksi uray kasday ti pinangtrato na..isu dinamag na ni seksi no..........

[Leona]

ania ti kayat na nga traits ti maasawa na. Kuan met ni Seksi ket tay napudaw. Uray la nga rimmungsot ti rupa ni Bola ta ammo na ket saan nga maikari. Ammokon, kuna ni Bola, apatulungak kenni .......

[touchstone]

"Nana mooding", isu napan isuna dyay amo na ng immala ti tulong..ngem kuna met nana mooding .........."

[Leona]

Ay na Barok, narigat nga talaga ti mangpa wen iti kasta nga mestiza, ta ti pamngkuna na ket adda royal blood na isuna. Ngem dika madanagan ta adda am ammok nga ammo na ti ag gamud. Uray no dina ka kayat ay ket bumisong bisong ken arakup to latta nga arakup ti permi nga pangayat na kenka. Nagpanunot ni Bola ....

[MHTS]

sana kinuna, "Nana Mooding, madi dayta ah, ti kayay ko no kayat na ni Seksi dapat naimpapuswan nga aggapo iti kararwana." Insungbat met ni Nana Mooding, "Maka ammo ka dita, adu la amin nga puso kada kararwa, innak man lang agdalos ta ubong ni Seksi... umadayo ka man dita baka nu kilawenka..." Timmalikod ni Bola sa napan diay...

[touchstone]

sirok ti kay-kayo, napan nagpabang-ar ti rikna na...ta uray la mapisi dyay puso ken kararwa na dyay nangeg na Kenni Nana Mooding...nag-sang-sangit la unay, ken saan a nang-nanangan didyay nga aldaw...Agmalmalemen ket napapanunot na agsubli dyay kulungan na ken napan dyay suli..agmul-mulengleng...ket nakaturog latta.

Nakaturog ni Bola ken natag-taga-inip na ni Seksi nga..............................

[Leona]

.... mangar arakop kenkuana ken panay ti panang bisong bisong na kenkuana. Uray la mga nga naka kat katay apo.

Idi kuan, lumabas met da kapitan Tasyo ken dagitay konsehal na ket nakita da ti kasasaad ni Bola ken nakunada .......

[touchstone]

"Hoy bola agriing ka baro"..anya napasamak kenka?....ne naka-isbo kan sa met" ....timmakder asigud ni bola, napakudkod dyay ulo na, sana kunana kenni Apo Kapitan.....................

[daguerrson]

"Ah . . . Eh . . . . Kapitan . . . ." Ngem dina ammo ti isilpona diay saritana gapu ti bainna ta ammona nga di patien ni Kapitan Tasyo nga isbo diay rimmuar ta puraw met. "DiaK ammo no ania dayta", inlibak na.


"Aha, agliblibakka, ala? " Intubngar ti kapitan.

[touchstone]

madi nga simmungbaten ni Bola ket ala latta ti pinagkudkod na dyay ulo na ti uray la bain na..............

napalabas ti maysa lawas.......limmabas ni Seksi ket nasopresaan ni Bola ken......

[Leona]

"Ah . . . Eh . . . . Kapitan . . . ." Ngem dina ammo ti isilpona diay saritana gapu ti bainna ta ammona nga di patien ni Kapitan Tasyo nga isbo diay rimmuar ta puraw met. "DiaK ammo no ania dayta", inlibak na.


"Aha, agliblibakka, ala? " Intubngar ti kapitan.

:lol: :lol: :lol: :lol: :lol:

[Leona]

.... nakuna na : Hi seksi (ala bedroom voice). Ti permi ti kellaat ni Bola ta simmungbat ni Seksi ken kimmidday pay. Hello din Manong Bola. Mapanak idiay ayan da Kapitan ta adda man ireklamok. Mabalin kadi nga innak kuyogen?
Permi ti daras ni Bola nga .....

[touchstone]

nag-digos ken nagsepilyo....nagpusitsit ti cologne, nag-gel pay ti buok ken.......

[daguerrson]

nag-malagumog ti Listerine. (Moderno met daytoy nga bola gayam ta kompleto ti pagpaguapo na). Ginaw-at na tay Bil Blas nga polo shirt na ken tay Tommy Hilfiger nga jeans na sana inkursong tay Bally nga sapatosna. Kitaek man no sadino ti patinggam sika nga seksi ah, nakunana iti nakemna ket bulonnan ti immabay ken ni Seksi.

Limmukneng pay dagiti tumtumeng ni Seksi ti pannakakitana ken ni bola ta guapo met gayam ken mayat la unay ti gunayna nga pumorma. Typeko met gayam daytoy, nakunana ti nakemna.

[Leona]

Nakadanon da kenni Kapitan ket nagtungtong da seksi ken tay sekretarya ni Kapitan nga anak na nga kagapgappu na idiay Manila. Gapu ta pamilyar met kadagiti signature nga gam gamit diay sekretarya a ket nakita na nga adda taste met ni Bola isu nga medyo timmibayo ti barukong na idi makita na ni baro.
Madi ti rikna ni seksi. Madlaw na nga uray agbalintwag balintwag idiay sanguanan ni Bola ket wala syang panama sa kinis ng kutis ng sekretarya. Makasangit met unayen.

[daguerrson]

STOP!!! Urayla nga mangur-urat ti tengnged ni Kapitan Tasyo ng nangibugkaw. Timmaliawda Seksi, Bola ken ti secretarya ket nakitada nga adda kamkamaten ti kapitan nga birkog nga nakabaklay ti sinupot. Timmakder ni Bola ket bulonnan nga nakipagkamat. Idi naasitganna di birkog ket tinengngelna ti lengngesna ngem pinasabtan di birkog ti right cross. Ngem alisto ni bola ket madlaw nga adda ammona iti martial arts. Sinippawna di nagwasawas nga ima di birkog, sana rinung-ad ket urayla nga napadatan di mannanakaw. Naiwara iti daga ti linaon di supot a baklayna - kaparparut nga bawang . Napan gayam nagtakaw diay kataltalonan.
Kasta unay ti panangdayaw ti kapitan kenni Bola. Aglallalo da Seksi ken ti sekretarya nga agpada nga napanganga.

[Leona]

Kabayatanna, kinasarita ni Kapitan tay birkog no apay naaramid na ti nagtakaw iti bawang. Uray permi ti sakit ti bagbagi na ket naisao na pay laeng nga kasapulan na unay ti bawang ta awan pagggatang na. Adda ngamin damag diay lugar da nga adu ti aswang nga agpas pasiar iti rabii. Gapu iti asi ni Bola, inikkan na ti green money (dolyar Apo) diay birkog. Ad adda nga napatunganga da sekretarya kenni seksi!

[MHTS]

Kuna ni Bola ti sarili na: "Hmmmm, okay diay Seksitary ni Kapitan ah. Napa impress ko isuna. Anya ngata no awisek nga mapan agarab ti naimas nga ruot diay taltallon ton bigat?" [Lunch ngarud ti baboy].

Idi gandaten ni Bola ti makisao kenni Seksitary, nakisalingbad ni Seksi ket kunana: "Kapitan Tasyo, immay kami nagbisita ta kayat ko koma ti agreport!" Simbungbat met ti Kapitan; "Anya kadi ti i-report mo Seksi?" Simmungbat ngarud ni Seksi ket kunana...

[Leona]

--- adda man ngamin umay kankanayon nga sumirsirip idiay balay ko. Nangisit nga lalaki ken adda dakkel nga tabako na. Pumayapay pay met ngarud, ket mabut butengak kapitan, kasapulak ti tulong yo. Ehemmmmmmm, kuna met ni Bola, mabalinak met nga agsecurity guard pay laeng kenka Seksi. Permi ti ragsak ni seksi nga nakanggeg. Ngem apagapaman laeng ti ragsak ni Seksi ta naimpress ni Kapitan ti kinataraki ni Bola ket inoffer nyang maging personal bodyguard nya.

[MHTS]

At-atiddog manen ti isem ni Ms. Sekretarya ni Kapitan idi nangngeg na nga agbody guard kenni Kapitan Tasyo. Impilit ngarud ni Seksi nga mas kasapulan na ti mang guwardiya kenkuana baka no adda mang abuso ti kinapintas na diay ubong na. Nagdalawaing isip ni Bola ken kunana, "Wen met ngamin Kapitan, mas kasapulan nak ni Seksi." Simmalingbat ngarud ni Sekretarya ket kinuna...

[Leona]

... Bola, mano kadi ti kayat mo nga sweldo? Ibagam no mano tapno maited ko. Ken dagitoy ti fringe benefist nga maalam no ag wen ka kenni Daddy ko:

1) Libre koral ka ta agabay tay koral ta
2) libre chow ka 3 x a day plus snacks 2x a day
3) 15 days sick leave ken 15 days vacation leave
4) adda pay 13th month pay mo
5) me bonus ka pang 1 month na maalam iti new year

Sa inkidday ni Sekretarya, no mayat ka itatta, ikkan ka ti bonus mo manong, agabay ta nga mangan tay binogbog nga balangeg. :lol:

[touchstone]

ti sungbat ni Bola......mayat kanya kon ti P6,000.00 a month..pipya lang nga ada pag-sinek..ngem maysa nga kondition ada koma met tsedeng nga service ko ta narigat ti magmagna nga ag-body guard...ken mapabuludan dak koma ti kwarenta singko nga paltog plus libre a uniform.........

[Leona]

No problem, kuna ni Sekretarya. Inton ano ti panangrugim? Medyo nagpanunot ni Bola ket naibagana nga inton January 2, 2006. Madi ti rikna ni seksi. Ammo na nga napukaw nan ni Bola. Repentance always at last kunkunana iti bagi na. Ania met ngamin ti panang um umsi na idi kenni Bola ket ita ket kayat na met gayam isuna. Apay agsang sangit ka seksi, kuna ni Bola kenkuana ta malasin na nga agdadanum diay mata na. Haan Manong, napulingan nak laeng. Umun unaak ngaruden ta innak pay agala ti bugbugek nga balangeg ken aba..

[MHTS]

Kasla narikna ni Bola nga madmadi ti rikna ni Seksi. Nakunana ti bagi na, "hmmm, siguro type nak met lang ni Seksi." And then all of a sudden (ney apay nga English metten, okay, okay, sukatakon).. It apagdarikmat, "Bling" nagsilaw diay bumbilya diay kukote ni Bola, sana kinuna manen ti bagi na.." Hmmm, uray ta adda ti baro nga ubong ko nga ited ni Kapitan, ania ngata no awisek lattan ni Seksi nga umay makiubong kanyak?" Bling-bling. Kasla met lang strove light diay bombilya diay panunot ni Bolan. Napan na ngarud kinamat ni Seksi impukkaw na "Hey Seksi, wait up girl!" (naka English met gayam ni Bola). With slow motion, Seksi looked back ket kinuna ni Bola: "Ah eh ih... hmmmm...... Seksi...

[Leona]

..... wanna join me in my room? Uray labs ni Seksi ni Bolan ket madi na met ipalubos nga ipagarup ni Bola nga easy girl isuna. Ilocana ak, pakipot muna. "Ay, Manong, maiparit iti relihion mi iti maki denna iti lalaki no madi pay nagkallaysa". Ngem aguray ka ta pariknaak man daytoy baro, kinuna ni seksi : "Manong, you are great .... you are a puzzle I love to solve". Napangaga ni Bola, alla apo ket uray met gayam agrik rikkang ti dapan daytoy seksi nga probinsya nat toy ket adda met ibar barikes na nga English. Napaiisem ni Bola.........

[daguerrson]

Isu met ti yaasideg ni secretary ket kinunana, "Come on, Bola, let me show you your room. You can wait here, Seksi while I'm gonna show Bola around." Kasla dalagudog ti napaso nga kabalyo ti tibbayo ti barukong ni Seksi gapu iti nangegna. Talaga nga nalaing ti strategy daytoy nga secretarya ah. Ngem apay ket nga paabakakon? Nakuna ni Seksi iti nakemna. "Umayak met, mabutengak nga agmaymaysa ditoy." Ket kimpeten iti ima ni Bola.

Ne holding hands met daytoyen. Awanak sa met Ilokosen, Napanunot ni Bola.

[juVans]

Inarikap ni Bola tay switch ti silaw a naikapet kadaytay diding ti kwarto na. Saan a nagsilaw. Impagarup na a napundi tay bombilya. Ngem kasano koma a napundi ket kasuksukat na laeng itay napan a lawas. Dakkel ti atap na a gapuanan manen ti NAPOCOR, ti kakaisuna a mangserserbi ti kuryente diay purok da.

?Nagmalas la daytoyen, awan man kuryenten!,? makasuron ni Bola. ?NAPOCOR, National Pokaw Coryente!?

?Di ka kadi agkaskasta ta di pay natarimaan tay linya a kumamang dita Nueva Era,? inrason ni Seksi.

?Aynaapooo, tallo a bulanen a kastoy. Di da met la matarimaanen,? inprangka ni Bola.

Saanen a nagtimek ni Seksi. Nagulimek laengen. Nasaysayaaten a di makidinnuskitir ta malapdan ti madi a saritaan. Baka daytanto manen ti rugi ti papauyo ken sentimyento.

Nagpakada biit ni Bola kenni Seksi. Sumurot koma ngem kasla nanabseek nga alipugpog ni Bola. Idi nagsubli, iggem nan tay kinki. Saan a naranyag ngem umanayen a mangsellag kadayta nagmanto a rabii. Indisso ni Bola diay silaw.

?Iyiddak man bassit, kasla maulawnak.? Nagsuyaab. Inyiladnan ti bagina diay papag a kawayan.

Nakatugaw a mangmatmat ni Seksi kenni Bola. ?Guapo met gayam toy luko no matmaturog,? ingirsina.

Nalamiis ti pul-oy ti umabagatan nga angin, senyales nga adda main-inaw a tudo iti mabiit. In-inut nga immasideg ni Seksi iti sikigan ti papag. Naglubsak. Pinerreng na ti pakabuklan ti rupa ni Bola. ?Apay a kastoy, diak maawatan, apay? Di nan mateppelan ti makagargari a bibig ni Bola. In-inut nga inagkan na dagitoy limmabatis a sisiplagan ni Bola. Inkidemna, sa binisitona iti nabayag. Nabara ken napaut.

Inyadayo ni Seksi dagiti bibig na idi malpas na a makunnot ti nasam-it a bibig ni Bola. Nakigtot idi inyukrad na dagiti matana ta nakamulagat gayamen a nabayag ni Bola. Gandaten koma ni Seksi ti agsao ngem napaspas ti panangdennes ni Bola iti rimmosas a bibig ni Seksi.

[juVans]

.

Nakudrep ti anaraar ti kingki. Numan pay mapuypuyupuyen ti apoy na, di na intulok a paatiw ken apo angin ta kayatna a maimatangan ti ginnubal dagiti dua.

Nairut dagiti arakup ni Bola. Immuleg ti panangputiput na ken Seksi. Madin nakapagkir-i ni Seksi, senyales nga insuko nan ti bandera ti Bataan. Impabus-oy nan a matagikua.

Addaytan nga agkakarayam dagiti nadawel nga ima ni Bola. Adda sapsapulenna. Sinaggaysana nga innikat dagiti butones ti bado ni Seksi, pumangato, pumababa. Awanen ti makinruar a takkub ti bagi na. Siwawaya nga inuksot na ti makin-uneg nga abbong ni Seksi aginggana nga awanen ti nabati. Nagparang ti napintas a sukog ti pammagina ? gimmitara. Kasla aso nga agkwerong ni Bola kadayta a kanito. Saan na a sinayang ti oportunidad.

Silalagip pay laeng ti napalabas ni Bola. Idi ubing ni Bola, itugtugot ni lelong na a mapan agkalap ti dalag. Nalaing nga agkammel ti nadumaduma a klase ti lames daydi lelong na. Dandani nag US Navy no saan nga ingawid ni lelang na. Kada sumurot ni Bola, baunen ni lelong na a batuken na ti kakaaldaman a paset ti karayan, uray napalalo ti apresna. Panalpaaken ti lakay ti bislak no saan a makapana ti sangapulo a ramayan a karpa wenno tilapia. Kasta a kasta ti pinumayan ni Bola kenni Seksi, sinarak na ti puseg ti aaryekan na. Idiay a naguper ti nabayag.


(edited)


Uray la umanangsab dagiti dua idi naragpat dan ti maikasiyam a langit. Tay napigsa a ranetret ken ayeg-eg ti katre ket nasukatan ti ar-arasaas ti kuryat ken sumagmamano a uni ti bolprag.

?Bola, dinak koma al-alilawen?,? kinuna ni Seksi.

?Dikanto isuksukat Seksi, lukaisam ta pusok, rupam laeng ti linaon na,? inlamyong ni Bola a madama a mangpinpinas ti muging ni Seksi.

?Bolero kan sa met?ngem pramis, siak lang?? Napino dagiti kuddot a imparaman na ti bakrang ni Bola.

?Sika laeng, awan sabalin matay man ni nanang mo?este matay nak man ita,? impasinged ni Bola.

?Ammom manong, padasem a liputannak, putdek ni Pedro?m sak ikurkur ti manok.? Kimmusilap, sa nagmusiig ni Seksi. ?Joke onli, my sweetie my honie, napuspusaksak ka ngem Angelina Jolie,? indaras a inlailo ni Bola.

Iti ruar, agin-inagaw ti sipnget ken lawag ngem naminsan pay a ninanam da ti sam-it ni ayat.

[Leona]

Napan intulod ni Bola ni Seksi idiay ubong da. Kasla kadagitay kabbaro nga agin innayat ket napalalo ti sweet da. Madi da pay nga aginnadayo diay pagtugawan da. Malpas ti sangapulo a minuto, adda kimmatok diay ridaw ket napalalo a siddaaw ni seksi idi makita na tay maikadua nga inana. Nagbayag ka nga padpadaananen nga umay sumarungkar diay amianan, apay nga madi ka um umay? Kasla gurru-od ti timek tay baket. "Ngamin busy ak ta panagmumula ngamin ti kapas, insungbat ni seksi. Madi man laeng inkankano ni baket nga adda ni Bola diay abay ni seksi ta nakuna na pay laeng .... " Inton Domingo sumangpet ni Lakay Ibiong aggapu diay Hawaii, umay kano agsapul ti maasawa na. Nabayag idiayen ni Ibiong ket ammok adu ti kuarta na, adda kano tallo nga babbalasang nga taga Laud nga pagpilpilian na. Napan ko met imbaga nga inayon da ka man barbareng no sika ti magustuanna. Ay ket dakkel ti namnamam. Napintas to ti panagbiag mo no kaskasano laeng! Kasla narpuog ti barukong ni Bola iti nangngeg na.

[MHTS]

"Kasapulak ngarud nga ma-impress ni Seksi"... kinuna ni Bola ti sarili na. "Kasaritak ni Seksi no adda ti plano na nga mapan met agpakita kadaydiay nga Hawayano." Napan ngarud ni Bola kenni Seksi, ngem kasla lang adayo ti panunot ni Seksi. Kunam lang no ag imimagine ken day-dreaming. "Ania ngata ti madama nga fanfantasyaenna ni Seksi?" induwa-duwa ni Bola ti nakem na. Napan ni Bola ken kinuna kenni Seksi...

[juVans]

.
.

Sitatamdag ni Seksi a mangbuybuya ti paraangan. Idi kuan imbakal na ti panagkitana iti nalawa a tangatang. Napuskol dagiti ulep a nangabungot ti naranyag nga init. Nagbalin a nasipnget ti lawlaw. Kasla nakipagladingit ti nakaparsuaan iti kasasaad na. Napukawen tay ranyag a mangmangted ti isem ti kada bigat tunggal bumangon ni Seksi. Maysan a nakudrep ti lubong na.

Nasakit a panunotem no apay a kasta ti pagbanagan ti maysa a natudyo nga ubing. Naulpit a talaga ti gasat kanyana. Apay a dagitoy dadakkel na ti mangpili ti lalaki a katungayngayanna iti biag? Apay awan karbenganna a mangsarak iti bukod na a ragsak?

?I want to end my life, now. There is no sense of living without you by my side, Bola. No saan to met la a sika ti pakaikaryak, sam-itek ti matay itan.? Banarbar ti timek ni Seksi. Aglulua a makisarsarita kenni Bola.

Pinunas ni Bola dagiti agar-arubus a lua ni Seksi. Idi awanen, timpuar ti nalasbang a rupa na. Ngem madi mailimed ti napalalo a saibbek na.

?Saan mo a sayangen dagita a luam?and please be calm, Seksi. Pagkalmaem ta panunotmo. Ipamuspusak ti amin tapno dikanto pulos mapukaw iti sidong ko. Denggem, ?ton parbangon, agkita tanto dita sirok ti garlobo. Mangala ka ti badom. Urayennak idiay--itaraykanto. Inta iti adayo a lugar. Lugar nga inta pangituloyan ti sinangal ta nga ayat, ? nasao ni Bola.

?To love you is my life. To be with someone else is my death, Bola. Sika ti amin ko.? Inarakup ni Seksi ni Bola. Nairut. Napaut.

.
.

[Leona]

... talaga nga natangken ti ulom kinuna tay ina ni seksi nga kellaat nga dimmanon. Ken sika bola, ania met ti kinabengbeng ti rupamanon aya. Apay kabaelam kadi nga ited ti nasayaat nga masakbayan ni seksi? Agrik rikkang lang dayta dapan mo barok!!!!! permi ti panang lais ni baket kenni Bola. Seksi, madi mo aya kayat nga mapadasan ti ag eroplano nga mapan Hawaii? Wenno malanitan man laeng ti subsob dagitoy addim? Di ka man laeng maasian kenni Tatam nga agkubkubbon ti panagtaltalon ngem awan met laeng ti asenso nan???? Nagsangit met ni nana ni seksin. Uray kasano ti panagyat ni seksi kenni Bola, napanunot na ti kasasaad ni tatang na. Ay wen agpayso ta uray la nga kumkumter ti bagi na ti lamiis no panagtutudo ken kasla mapalag met ti kudil na no panawen ti pudot. Kinita na ni Bola ket insawang na man ti kastoy .........

[juVans]

^

Na-block-minded nak.

Nakaserseryoso a patangan ngem innikkam met ti komkomedi na mg. Leona. Apay ngamin a binallaetam pay la ti panangpadas na nga ageroplano? Apay di pay nakaraman ti namantekaan a masida isuna iti entero a panagbiagna? Maellekak man dayta imbagam, hehe.

Silpuak ton mapasublik dagitay napukawko a balikas.


:mrgreen: :lol: :mrgreen:

[daguerrson]

:lol: :lol: :lol:


Ala, ur-urayenmi ngarud tay makapasardeng-anges nga silpu na manipud kenka, JuVans.

[juVans]

^
Guray biit apo Dagz. Ikkannak ti gundawayko a manglagip. I need to refresh my mind.

Agsubliakto after 10 or 15 minutes.


:mrgreen:

[juVans]

Adtuyen tay nayon na:




Pudno amin nga inlanad ti Baket. Marigrigat da nga agpayso. Madi makabalinen ti amana nga agtalon. Iraman mo payen tay nuang da a di makaarado ken makamuriski. Inayun mo payen dagitay adien na a mangnamnama kanyana.

Kayat ni Seksi a maikkan ti napintas a biag ti dadakkelna. Sipud pay idi ubing arapaap nan ti lumung-aw. Ammona a dumteng to daytoy a panawen. Panawen a nabayagen nga ur-urayenna. Ngem saan koma daytoy panangipangasawa ni Inana ti Hawayano ti pasaporte na a bumaknang.

Adu a wagas tapno umasenso ti maysa a tao. Saan a ti panagballasiw-taaw ti remedyo. No ikasar na, langit ti biag ti pamilyana ngem impiyernonto ti lubong na.

Intangad ni Seksi ti rupana. ?Bola, ayayatenka la unay, ammom dayta. God knows how much I love you. No maikkanak to manen ti maysa a gundaway nga agbiag ditoy daga, sikanto manen ti piliek.? Saggaysa nga agar-arubos ti lua ni Seksi.

?Isardengyo dayta drama-drama. Sika Bola tumalaw ka ditoy sanguanak. Sika Seksi, istimaren ta bagim ta intanto pasyaren ni Hawayano,? imbugtak ti Baket. ?Uray agluaka ti dara, dika paiyasawa kadayta a lalaki. Matayak pay nga umuna sakbay a magun-odyo dayta kalkalikagumanyo! Punyemes!?

Kasla napurisan ti barukong ni Bola. Madi nakatimek ni Seksi. Insentroda ti panangkitada kenni Ina Baket. Idi kuan inawid ni Bola ti abaga ni Seksi. Pinerreng na ni Seksi.

?Denggenak Seksi, husto ni Inang mo. Mas napinpintas to nga amang ti masakbayan no makapan ka?t Hawaii. Dolyares to ti sueldom. Alisto ka a bumaknang. Dinto problema ni Inang mo ti lechon, crispy pata ken bulalo. Inaldaw to a spam ken corned beef ti sidsidana,? inrason ni Bola. ?Ammo ni Apo Diyos nga ipatpateg ka. Tandaam, diakon agayat no saanto met la a sika.?

Agsao koma pay ni Bola ngem ginawid ti Baket ti ima ni Seksi. Inyadayona ti anakna.

?Manipud ita, dikan agparparang ditoy. Manipud ita, lipatemon toy balasang ko. Ala, rummuarkan, sairo!? impangta ti Baket.

Adu nga uyam ti linamot ni Bola. Managtagibasit la unay ti Baket. Agsao koma pay ti Baket ngem idi kuan...



(Tuluyan yon apo)

[Leona]

insawang nis seksi kenkuana....

Nanang, ustonan. Maasian kayo met kenni Bola. Uray nakurapay laeng isuna ngem napudno ti panagayat na kaniak. Ngem tapno awan makuna yo kaniak Nanang, surotek ti kayat yo. Intayon to kenni Hawayano ta indak to pasirig. Awan naaramidan ni Bola no di aglua iti nangngeg na kenni seksi. Ania ket ti gasat ko piman ta marigrigatak la unay metten nakunana iti bagi na. Bayat ti pannagna na nga umadayo diay balay da seksi ket napanunot na ti kinasaayat ti panagbiag ni seksi kenni Hawayano. No mapan to diay Hawaii a ket ag business class to isuna, agparti danto ti baka, baboy ken kalding no mapan da idiay. Ay maragsakan nga mangpanunot nga agnam ay tay nobia na ngem agsaiinek met tay bangir tay puso na no kasano ti panangannugot na nga sabalin to ti kaid idda ni Seksi. Addan to annak da siguro (uray no diay hawayano ket inyanak pay idi 1902 ken ni seksi ket 1989) ken karuprupa ni lakay na. Maustil la ketdi nga makakita kadagidiay bunga ti arasaas da kenni lakay Hawayano!!

Di ako papayag!!!!! ipaglalaban ko ang aming pag iibigan. Nakuna ni Bola iti tagalog. Agsubliak idiay yan da seski ta kasaritak ni Nanang na. Madiak ipabus oy ti kastoy nga mapasamak. Medyo itaray ni Bola ti pangsubli na koma ngem ........

[daguerrson]

Bolaaaa!

Tinaliaw ni Bola ti naggappuan ti pukkaw ket nakitana ti boss na - ni Kapitan Tasyo, nga mangkamkamakam kanyana iti likudanna.

Bola, inka man bassit itulod ni Lovely (ti sexytarya nga anakna) diay Manila tapno maituloyna nga i-follow-up ti processing diay application na para US. Diay Mercedes ti inka isaganan ta ad-adu ti horsepowerna ngem diay Corolla."

[juVans]

.
Pamilyar ti boses ti nagsao. Dagus nga inurnos na ti bagina. Narigaten no naliday a sumango. Pinilit na ti immisem.

?Kaanonto kadi a sukunek isuna, Kap?? sinaludsud ni Bola. ?Agday-trip kami wenno agrubuat kami ton rabii, Kap??

?Dayta man ti diak masinuo. Inka man diay balay ta kasaritam ni Lovely. Damagem man no ana oras kayo nga agluas, barok? siiisem ti lakay a nangibaga.

Agwingiwing koma ni Bola ngem naala na ti nagbain. Ibagan to man ni Kapitan a di na pagustuan. Awan naaramidanna no di nagwen.

Pimmanawen ti lakay ta mapanna kano kamaten tay panagibunong ti baro a uniporme kadagitay tanod. No maiyallawat la ketdi ket ad-adda nga tumured ken pomogi da. Sika man ti mangisibro ti baro a bado, a, ket, tumaraki ken bumanglo ta langam.

Addan ni Bola nga agap-apo ti ridaw. Katok, katok, katok.

?Awan sa ti tao,? nakunana. Nagkatok pay ngem awan latta ti sumungbat. Pinalabes na ti sangapulo a minuto, ngem awan latta ti manglukat ti ridaw. ?Apay napnapanan dagitay agindeg,? nasaludsudna iti bagina. ?Siguro nakaday-off dagitay katulong da wenno napan nakimisa ni Lovely ta Domingo ngamin ita.?

Nakaiyaddak iti dua idi madlaw na nga adda nanglukat ti ridaw. Nagsardeng.

?Um, excuse me, manong, asinno kay kadi? Sino ti masapulyo??

Uni ti babai ti nangeg ni Bola. Nalag-an, nasam-it dagiti pannakabalikas na. Atapen na a katataeb na wenno adien na.

Tinalyaw ni Bola ti naggapuan ti sao. Maysa a napusaksak a babai iti naikuadrado ti sango na -- ni Lovely, ti buridek ni Kapitan Tasyo.

Nakafitted shorts ken nakabado ti maris rosas a sleeveless ti nanglukat ti ridaw. Saan mo a mailibak ti kinaseksi a pammagina. Maibagay la unay ti kinabaknang ti barukongna ken kinapudawna iti tayag na a lima a kadapan ken lima a pulgada. Aglanglanga nga artista. Mas adayo nga amang ti pintas na kontra kenni Jackie Rice no pagdasigem isuda a dua.

Immanges ni Bola iti nauneg. Dina ninamnama a kastoy a ladawan ti mapasangbay na.

?Naimbag nga aldaw mo, ading. Siak tay imbaon ni Daddy?m a mangkadua kenka nga agpa-Manila,? indayaw ni Bola. ?Siak ni Bola. No diak mariro sika ni Lovely,? inyam-ammo na ti bagina.

Situtueng-ed ni Lovely a mangdengdengngeg ken Bola.

?No diak met mariro, sika tay guapo nga imbaon ni Daddy,? inyangaw na. Nagminar dagiti agsinnumbangir a kallid ni Lovely. ?Please come in, manong. Ditoy ta uneg nga agpatang.?

Idi makalikud ni Lovely, saan a maigawid ni Bola dagiti matana a mangmatmat ti kinaseksi ti balasang.

.
.

[Leona]

Wen gayam, uray iti apagkanito laeng nalipatanna ti saem nga sagsagabaenna maipuon ti pananglalais da kenkuana. Naguapo ak kano gayam man , nakuna na met to bagi na. Apay met ket agpayso met ngamin. naka Levis jeans ni Bola ken naka T-shirt ti puraw nga awan kuelyo nya. Neat kung baga.

Ading Lovely, ton ano kadi ti rubuat ta a mapan Manila? medyo inkidday ni Bola kenni Lovely. Inton rabii koma manong tapno sumangpet tanto no bigat diay ag deresto ak to diay embassy'n. Dakayo a manong no sisasagana kayon, insungbat met ni Lovely. Wen adingko, ala ket kitaek ngarud diay pagluganantayon tapno makapanaw tayo ti daras na.

Tsk, tsk, madi mabalin nga ibiahe daytoy mercedes benz ni kapitanen. Nabayag nga madi pinaandar ren ket kasla kumatok na ang makina. Di met mabalin nga alaen na diay Corolla ta no adda emergency ken awan pangitaray da kenni Kapitan nammo na ket napigsa met ti angkit na no kuan ket agabigbigla latta nga kamkamatenna ti anges na.

Manong, kuna ni Lovely idi nataldiapanna nga agwing wingiwing ni Bola. Maymayat sa ngarud no ag commute tan Manong, mayat ka kadi? Aglugan tayo ti partas, maria de leon, farinas, smv wenno rcj. Napaisem ni Bola ket nakuna na ti bagi na: Apo ket mapadasak met ita nagruden ti aglugan ti De luxe nga kunada. Ania ngata ti rikna na aya? Ordinary laeng ngamin ti pagluglugananna no kasta nga mapan diay Manila.

Dardaras da nga napan diay terminal ti Maria De Leon. Inalistuan ni Bola ti immabay tay maysa nga baket ta mabain nga makiabay kenni Lovely.

"Manong, apay dinak kayat aya nga kaabay? Kinuna ni seksi kenni Bola .........

[juVans]

"Manong, apay dinak kayat aya nga kaabay? Adda kadi body odor ko ta liklikannak? Kinuna ni seksi kenni Bola.

?A,e, kababain ma?am. Baka agimon tay boypren mo,? nakarawa ni Bola nga insungbat.

?Apay nga agbain ka kanyak? Di mas nakababain no ti katugaw mo ket dayta baket? Sika, no dinak kayat a kaabay, makaammo ka latta.? Nagimpapasugnod kampay idi ni Lovely. ?And for your information Mr. Bola, I am very much available. I have no special affair to other person,? impakamakam na.

Madin nagtimek ni Bola. Kapilitan nga inabay na ni Lovely.

Tallo nga oras ti napalabas idi damo da nga nagsardeng. ?Mangan tay pay laeng apo,? nakuna tay kundoktor.

Miningmingan ni Bola ni Lovely a naimas ti turog na. Kidagen na koma ta allukoyen na a mangan ngem binaybay-an na lattan nga aginana isuna. Timmakder ni Bola sa bimmaba. Tinurong na ti pagisbuan. Idi makaisbun, tinurong na ti kantina. Nagorder ti aroskaldo ken sangabaso a kape. Madama ti order na idi mataldyapan na nga adda lako a juVannawag Gimmatang.

Idi makapangan ken nakakapen, immuli sana sinubliyan na tay napanawan na a tugaw. Nagininayad a nagtugaw. Narigaten no mariing na ni Lovely.

Sumagmamano pay a minuto, nagsublin dagiti pasaheros kadagitay tugaw da. Binilang tay kundoktor no kumpleto da met laeng. Sinenyasan na tay drayber nga mabalinen ti agbiyahe. Naggunay tay bus. Nagsubli metten a naturog ti kaaduan. Adda met dagitay siririing pay laeng, madama da nga agtetext. Pinatakder ni Bola tay kuwelyo ti jacket na. Madlaw na a nalamiis ti pul-oy ti angin nga aggapu iti aircon. Inruar na pay tay boniti na a ginatang na idi napan nagpasyar Baguio. Nagdalikepkep.

Maalanan ti turog na idi pagam-ammuam nagtulid ti ulo ni Lovely iti abaga na. Ken immarakup payen ti babai kanyana.

[Leona]

Santa Maria Elementary School, nakuna ni Bola iti bagi na ta nasul oy na ti kinabanglo ni Lovely. Napakidem pay ti baro ket simgar ti dut dot na. Binay anna nga naturog ni Lovely iti abaga na iti sumagmamano nga oras. Dina napupuotan nga nakaridep met gayam isuna.

"Manilan Apo" kinuna diay conductor. Agpayso ta adda da ti Balintawaken. Ni Lovely ket nakalung ay pay laeng iti abaga. Mandiak pay laeng ririingen ta sayang tay banglo ni ading ko, nakuna ni Bola. Napaisem ti limed ni Bola. Ania ketdi nga gasat ko metten aya kunana iti bagi na. Kitaem man ketdi ta uray agrek rekkang ti sakak ket naka arakupak met ti nalapsat, nabaknang ken de adal nga balasang. Madi tkoma pay ti rikna ni Bola nga riingen tay balasang ngem awan maaramid na ta kumuskusilap met tay conductoren ta iduda met laengen ti madi umulog diay bus en.

"Lovely", Manila idtoyen adingko, bumaba ta kanon. Inal alisto da ti bimmaba ngarud. Kasla madi mamati ni Bola ti nakita na ........

[MHTS]

...ni Lovely nakaisem kenkuana nga di maputol kasla rikna ni Lovely ket na first kiss isuna ni Bola. Gapu ta saan pay nakamurmuray ni Lovely, medyo aglaladot, isu kinunana, in soft and romantic voice: "Bola, can you hold my hands and hug me, kasi I am still kinda sleepy." "Santa Maria National High School" nakuna manen ni Bola ti bagina. Nagkuti diay makinkannawan nga lapayag na ti nanggeg na. Napan ngarud ni Bola ket siniket na ni Lovely sabay nga binagkat na tay bagahe dan. Masulsul-oy manen ni Bola ti banglo ni Lovely ket medyo agkakapoy metten ti tumeng na. Idi nakapagna da ti tallo nga aksaw, nakita ni Bola, ket saan nga mamati ta...."

[daguerrson]

Addayta, dita masungadanda nga sidewalk, ni Betina. Mailasin nga sumbrek iti klase ta naka-uniporme iti puraw nga blouse ken checkered nga skirt. Sigud nga kaayan-ayat in Bola ni Betina, anak ti kastilaloy nga negosyante ngem inibbatanna gapu ti nalaos nga pananglalais ti ama ti balasang ti kina-Ilokano na. Napintas ni Betina, immala kenni amana a natundiris ti agongna, narapis nga bibig, agparparintumeng nga kurimatmat, napudaw nga kudil ken olandis nga buok. Naammona ni Betina idi nagkaklaseda iti maikatlo a tukad ti high school - napinget a kabalubalna iti first honor spot ti claseda. Nagtultuloy iti kolegio ni Betina. Ni Bola ket nagsardeng nga agbasa ta awan gastusenna nga agadal isu nga nagawid pay laeng idiay away tapno agrelax sangkabassit. Ngem planona ti agsubli iti siyudad tapno makigasanggasat ta kayatna latta ti agtuloy iti kolegio.

"Bola :!: Napnapanam a lobongen :!: Kabsatmo?" ket intudona ni Lovely nga al-alalayan ni Bola.

"Ah, Ehhh. . . . " Napanganga ni Bola.

[Leona]

anak ni Kapitan diay barangay mi immay ko man intulod ditoy Manila ta awan met mangkadua kenkuana.

Sika ngay, kumusta ka met, nakuna ni Bola. Immisem ni Bettina. "Kanina okey pero ngayong nakita kita ulit sobrang okey na". Permi nga kasla aggurruod diay barukong ni Bola ti nangngeg na ta kasla man maipalagip ti naglabas kenkuana. "Alaek man tay contact details mo ngarud Betina ta awagan kanto man no maitulnog ko ni lovely". Ading Lovely, pabulodannak man tay ball pen mo kuna ni Bola ngem ta idi talyawen na ni Lovely ket ..

[MHTS]

..permi ti muregreg ti rupana. Nagbagusot nga sungbat ni Lovely, "Sorry po Mr. Bola, wala po akong dalang ballpen! At saka I am feeling may sakit, can you carry me na lang my sweetheart and come to my room?" sabay nga innigaman ni Lovely diay ima ni Bola nga adda pay lang diay siket na. Ngimmato diay akinkannawan nga kiday kiday ni Betina ti nangngeg na ket sinaludsod na; "Sweetheart kayo Bola?". Napatilmon ni Bola ti maysa nga timba ta dina ammon ti sungbat na. Naganges ti dakkel ket insungbat na...

[daguerrson]

"It's just an expression, Betina. Doesn't mean anything at all. They fondly say that to me because I work for their father. Imbilangdak a kabsat." Ngem madlaw nga alimbasagenen ni Bola gapu iti pannakatikaw ti panunotna. Diaske met daytoy nga Lovely no apay met nga kasta ti imbagana, adda ngata met panagayatna kaniak daytoy nga babai? Kasano ngaruden ket kasla kayat ni Betina ti makisinnubli kaniak, nakunana iti nakemna. Bright ni Betina, paggaammona dayta, ket dina masinunuo no mamati iti inrasonna. Ngem barbareng la no patienna, no madly in love kenkuana.

"Oh, . . . I see." Naisawang ni Betina. "Got to go, ket maladawak diay klasekon. See you later, Bola". Ket nagtarengtengen nga nagturong diay klase na.

Napaanges ti nalukay ni Bola ngem naigiddato met ti panangiduron ni Lovely kenkuana. Tse! Palikero ka met gayam nga awan kurangna! Sadagak la ket nga sadag kenka diay luganen ta impagarupko nga awan girlfriendmo. Ala, aglibakka pay?

[Leona]

Lovely, "ni Bettina ket paset ti naglabas kon" inlibak ni Bola (barbareng mamati, nakuna ni Bola ti nakemna). No kuma adda met mangayat kada tao a ket saan ko koma a malag lagip dagidi nga naglabas min sana inkita kenni Lovely.

Sika met Bola kasla met madi mo nga ammo nga....

[daguerrson]

Dinan naituloy ti kayat na nga ibaga ken Bola ta kasla adda nangsigkat diay karabukobna ket namrayanna laengen ti naglua. Pinerreng ni Bola dagiti kasla agpakpakaasi nga mata ni Lovely ket inal-alistona ti nangkaut ti bolsana nga yan ti panyo na. Pinunasanna dagiti mata ken dagiti pay agsumbangir a dumerderosas nga pingping ti balasang ket dinan masarkedan ti riknana. Mapan ket mapan lattan ti rugso ken pudot nga nangkoryente iti entero nga bagina. Aglalo idi imbaga ni Lovely: "Bola, Kiss me, please."

Ngem naikuleng ni Bola idi nataldiapanna ti agsumbangir nga bangketa. Isuda ti buybuyaen dagiti sidewalk vendors ken kasta metten dagiti aglabas nga nagsardeng tapno kitaenda met iti eksena nga insangpet ti nalamiis nga bigat.

Adda inyarasaas ni Bola ken ni Lovely ket kalpasanna pimmayapay iti maysa nga taksi a lugananda nga mapan diay balay ti kabsat ni kapitan Tasyo, isu a pagyanan ni Lovely.

"Sa may Tennessee lang po tayo, sa bandang Malate", imbaga ni Lovely iti drayber, apaman nga naisimpada ti garetna iti likud ti lugan, ket nagdardarasdan nga pimmanaw.

Inyarpaw ni Bola ti maong nga diyaketna iti abaga ni Lovely ket nailibay ni Lovely nga nakapungan kadagiti luppo ti baro. Nailibay ngata? Nagtalinaed ti ulimek iti uneg ti taksi agingga nga nakadanon iti papananda.

[Leona]

Lovely, agriingkan. Adda ta idtoy Malate n. kinuna ni Bola. Iggem ni Bola dagitay aruatenda ket simrek da iti row of apartments. Katok da nga katok ngem awan met sumungbat. "Ano ba kayo , nakakakabulahaw kayo ng mga natutulog ah!, pag walang sumasagot, ibig sabihin walang tao dyan!", pabugkaw nga imbaga tay balasang nga baket nga agnaed diay bangir nga ridaw.

Lovely, awan kano met tao idtoy kasano ta ngaruden. "Aguray ta pay bassit nga kanito bareng napan da laeng diay Robinsons wenno SM kinuna met ni Lovely. Kalpasan ti 5 nga oras, awan met uray la nga anniniwan diay kabagian ni Lovelyn. I feel sleepy and tired Bola, kuna pay ni Lovely angem awan met mabalinan ni Bola ta awan met kuarta na nga ilastog na koma nga pang bayad ti hotel man laeng koma. Sinirpat na ni Lovely, maasian nag makakita nga nakadumog.....

[superduper]

maymaysa laeng iti agay-ayam iti panunot ni Bola... ngem kasla di na ma-idrowing ti pakabuklan ti aglawlaw... gapu ta lima nga orasen nga agwasang wasang dagitay bag-bagisna...awan pay gayam naipaunegda a dua... no koma mabalin a pulotanen daytoy a lovely ket naibus koman... piman, sapay koma ta awan tao nga agpayso... napan da koma nakidilut diay laguna... immasug ni lovely ket kunana, "manong bola, hold my hand, i feel so weak, i wanna eat." ...

[daguerrson]

"Lovely, apay ngamin dimo tawagan ni antim? Di met adda cell phone mo itay?"

"Adda ngamin dita uneg ta maletak. Diak kayat nga ibulsa ta matinnag no kua. Maikamano dayta nga cell phone kon ta kanayon da nga matintinnag, mapukpukaw nga diak mapootan. Masadutak ngamin nga agukag ditoy nga lugar. Adu ti diak kayat nga makita ti tattao dita uneg ti maleta. Mudtoy man la ngaruden ta ukagek."

Nasarakan a dagus ni Lovely the sapsapulenna ket timmawagen ken ni auntie na. "Auntie, adda kamin, kaduak ni manong Bola. Ayanyo kadi? . . . Niat' kinuana? . . . Nalpasen? . . . Nangikabilanyo? . . . Wen. . . . Wen, Bye." Ket dinardarasna ti immasideg iti dakkel a masetera iti abay ti ruangan sana inarikap ti sikigan ti mula ket addayta ti tulbek ti ridaw.

"Manong Bola, pakiluktam man ngarud ta ridaw, ne, toy tulbek"

Apaman nga nakastrekda ket nagdardarasda nga nagturong diay kusina a yan ti nakasagana nga pammigat para kaniada. Kabayatan ti pannanganda, sinaludsod ni Bola," Ania pay ti mabalinko nga itulong para kenka Lovely? Ta no awanen ket mabalinkon ti agsubli diay Ilokos tono rabii. Imbilin ngamin ni daddym nga diak agbaybayag ditoy ta kasapulannak nga security na. Ammom metten, politiko isuna."

[superduper]

lovely: ah, apay kadi? awan kadi ti pategko iti maysa tao ta kasta ti saritam? no importante ni daddy sige agawidka ngarud!

... (uray la natulkakan ni bola iti nangngegna kenni lovely... ania kadi ti kayatna a sawen daytoy? ..medyo agluluknengen ti tumengna ta adu ti agay-ayam iti panunotna! type-nak ngata met lang daytoy? wenno pagpapausannak laeng, intanabutob ti sairo nga appigud nga utekna. kuna met ti kanawan: "bola, agbutengka kenni tatangna, saan la nga armalite ti kaid-iddana no di ket shotgun ken uzi nga nagpaidumat kaadu't balana... no maramanam ni lovely ket agsaganaka.. :lol: ... sigurado nga agtilmonka ti buli...)

...naginsusul-ot ngarud ni bola ket kinunana: :"ading lovely, awanen ti kaiimportante-an nga tao iti abayko no di sika, wen medyo torpeak ngem respetuek unay ni daddym ket kayatko laeng nga tungpalen ti bilinna, nupay kasta addaak ngarud iti abaymo nga mangkadua kenka...."

[MHTS]

..ngem mabalin nga tawagam pay lang ni Daddym ibagam nga nakadanon ta ditoyen?!" "Oh sure!" sungbat met ni Lovely.

Timmawag ngarud ni Lovely ken ni daddy na. Insenyas ni Bola no mabalin na met nga kasarita ni Kapitan. Inted ngarud ni Lovely tay telepono kenni Bola.

"Ah Kapitan, adda kamin ditoy, nasayaat me lang. Kayat yo kadin nga agawidak tatta nga rabii, wenno tulungak pay lang ni Lovely nga agiplastar ti gamit na?.... Ah wen apo!.... No ania ti kunayo isu ti aramidek Kapitan!... Wen sir!.... wen sir!.... Okay lang sir!.... Sir, sir, kumusta gayam ni Sexi? Immay ditan nga nagsaludsod kanyak?... Kasta kadi sir?.... Ok sir.."

Medyo madi ti rikna ni Lovely ta Sexi met lang ti dakdakamaten ni Bola diay telepono, isu nga napan immasideg kenni Bola sana...

[touchstone]

hmmmmm mayat sa pangpelikula daytoy nga silpu-silpo thread :mrgreen: :wink:

[Leona]

"Manong Bola, if you don't like to be with me. it's okey you may go". I don't want to be rude but I don't deserve a man like you" paunay ti pungtot ni Lovely nga uray la nga makasangiten. Kasla man laeng nasibugan ti kaburburek nga danum ni Bola ta madi na ammon ti ar aramidenna. Kasano ngay nga maibaga na kenni Lovely nga ulbod met laeng diay kunkuna na nga seksi? Nga apagkanito da laeng nga nagsarita kenni Kapitan? Nga off diay cellphone nen idi ibagabaga na diay seksi? Santa maria Elementary School, nakuna na ti nakemna "talaga gayam nga adda panagayat ni lovely kanyak". Napaisem sa immasideg jkenni Lovely ket kinuna na .....

[MHTS]

"...Lovely (in soft romantic voice), ania kadi ti pungpungtutem dita? Kitam ta paunay nga pintas nga rupam ket awanen? Isu nga agisem ka man, ket no makitak ta isem mo, urayak lang kasla tumtumpaw."

Medyo nakilig bassit ni Lovely, ngem kayat na paylang ti agpasuyo. Ket kayat na ag propose ni Bola iti daytoy nga kanito. Isu nga medyo naginsasangit, tapno umasideg ni Bola.

Immasideg ngarud ni Bola ken napan na inarakop sana pinunasan diay mata ken rosas nga pingping ni Lovely. Idi marikna ni Lovely nga umad ado diay watts ti bagidan, iniggaman ni Lovely diay ima ni Bola nga medyo lumamlamiis ta adda bassit nerbyos na. Sinaludsodna; "Bola, do you love me?"

Napatilmon ni Bola ti sangaparyok, ket medyo naltutan pay. Iniggaman ni Bola diay pingping ni Lovely sana sinungbatan... "Lovely...

[daguerrson]

. . . . Look, it is not whether I love you or not although the answer to that is very clear to you right now. I know, you want to hear it right out of my mouth but the right question of the moment is: Would you fall for a guy like me, who can't even go to school uninterrupted? You would be better off with someone in your category. Great life abroad is beckoning on you right now. When you get there, you will surely forget everything about me, so the answer to your question is better left unsaid.

[MHTS]

So nagsisina da ngarud ket napan da ti kanya kanya dan.

Ni Lovely nagawid diay Probinsiya, naiyasawa ken diay Hawayano. Ni Bola nag stay diay Manila ta di na kayat nga makita ni Lovely nga agsangsangit ken kasta met diay gayyem na a ni Seksi.

NAPALABAS TI SUMAGMAMANO A TAWEN...

Nangabak ni Kapitan ti sweepstakes nga isu ti inusar na nga pinagbusiness da ti Feeds ken Vet Medicine. Very successful ti biag dan. Diay ina-udi nga kabsat ni Lovely ket isu met ti Mayor diay yandan.

Duwa met ti anak ni lovely kenni lakay nan. Addada agnaed diay Minnesota. Nagtapos met ti nurse diay gayyem ni Bola ngem naiyasawa met ti maysa nga foreigner from Australia. They are now living in New Zealand.

Ket ni Bola, madama payla nga agbas basa ti kina Padi. Kasi isu ti talaga nga kayatna nga pagbalinan. He is now happy serving the Ministry.

And they all live happily ever after....

THE END...


[Part II is in production...]

[daguerrson]

So nagsisina da ngarud ket napan da ti kanya kanya dan.

Ni Lovely nagawid diay Probinsiya, naiyasawa ken diay Hawayano. Ni Bola nag stay diay Manila ta di na kayat nga makita ni Lovely nga agsangsangit ken kasta met diay gayyem na a ni Seksi.

NAPALABAS TI SUMAGMAMANO A TAWEN...

Nangabak ni Kapitan ti sweepstakes nga isu ti inusar na nga pinagbusiness da ti Feeds ken Vet Medicine. Very successful ti biag dan. Diay ina-udi nga kabsat ni Lovely ket isu met ti Mayor diay yandan.

Duwa met ti anak ni lovely kenni lakay nan. Addada agnaed diay Minnesota. Nagtapos met ti nurse diay gayyem ni Bola ngem naiyasawa met ti maysa nga foreigner from Australia. They are now living in New Zealand.

Ket ni Bola, madama payla nga agbas basa ti kina Padi. Kasi isu ti talaga nga kayatna nga pagbalinan. He is now happy serving the Ministry.

And they all live happily ever after....

THE END...


[Part II is in production...]


CURTAIN CALL NGARUD APO.

FILMING OF PART I MAY BE APPLIED FOR WITH THE INOL ADMIN OFFICE :mrgreen: INTERESTED, TOUCHIE?

KASLA MET KANO AGPAYSO. HEHEHE