ErnAnd859
06-26-2006, 09:19 AM
Patanor ti Claveria, Cagayan, riningpas ni Dr. Agnir ti elementaria iti uneg ti uppat a tawen laeng. Nupay kasta, nagturpos a kalaingan iti elementaria. Tinurposna ti sekundaria iti Ilocos Norte Natioonal High Schoo iti Laoag City. Riningpasna met iti University of the Philippines ti Bachelor of Arts idi 1958 ken abogasia idi 1960. Nag-editor-in-chief ti Philippine Collegian, ti opisial a publikasion dagiti agad-adal iti UP. Nagun-odna ti umuna a puesto iti editorial ken newswriting contest nga inesponsoran ti College Editors Guild of the Philippines; kapitan ti UP Law Debasting Team; national inter-university oratorical champion ken national extemporaneous speech champion. Inyalatna pay ti President Manuel L. Quezon gold medal for excellence in oratory; Dean Abad Santos gold medal for best debater; ken President Cinco gold medal for most outstanding student leader.
Nabutosan a chairman ken presidente ti Association of Christina Schools, Colleges and Universities para tawen 1999-2000. Nabutosan pay a chairman ken presidente ti United Church of Christ in the Philippines - Church Related Educational Action Towards Empowerment (UCCP - CREATE) para tawen 2002-2008. Isu pay ti agdama a presidente ti Ilocos Norte Association of Schools for Advanced Studies (INASAS) a pagkamkamengan ti Mariano Marcos State University, Northwestern University, Divine Word College of Laoag ken ti Northern Christian College.
Inawatna idiay Bethlehem University, Israel idi Hulio 2000 ti Jubilee Year 2000 International Award for Distinguished Servuice to Global Higher Education manipud iti International Forum for Associations of Christian Higher Education. Sangapulo ket pitoda amin nga international educational leaders nga immawat iti nasao a pammadayaw.
Idi Hulio 2001, inimbitaran ti Oxford University ti Inglatera, kaduana dagiti 39 international educational leaders , tapno tumabunoda iti Oxford Round Table, ti nailubongan a think-tank forum maipapan kadagiti dadakkel nga isyu a pakaibiangan ti global higher education. Idiay Oxford, maysa isuna kadagiti walo a panel discussion leaders ket nakiddaw ti panangkritikarna iti konsepto ti virtual education a trinatar ti presidente ti maysa nga unibersidad iti Finland. Dinaydayaw dagiti kakaduana ti panangkritikarna iti konsepto a maibilang a baro a dalluyon iti agpang ti higher education. Ti gapuna? Largely extemporaneous ti panangkritikarna iti virtual education. Nagayus a kasla lana dagiti imbalikasna. Naipablaak ti nasao a critique iti Manila Bulletin, kasta met met iti maysa a business column iti Philippine Daily Inquirer.
Idi Nobiembre 2002, kiniddaw ti Board of Regents ti Mariano Marcos State University iti Batac, Ilocos Norte ti panagkamkamengna iti Three-Man Committee dagiti edukador a mangtasar iti naaramidan ti Presidenteda ken tingitingenda no maikari daytoy a madutokan manen iti sabali a termino.
Kiniddaw manen ti Board of Regents ti MMSU Batac idi Diisiembre 2004 ti panagkamkamengna iti grupo dagiti lima nga edukador a mangpili iti baro a presidente ti nasao nga unibersidad.
Iti immun-una a gundaway, idi 1997, inimbitaran dagiti Board of Regents ti dua a dadakkel nga unibersidad iti kabisayaan tapno agbalin a presidente dagitas a pagasdalan. Manen, idi Pebrero 2004, inulit ti maysa kadagiti nasao nga unibersidad ti awisna ken ni Dr. Agnir nga agpresidente. Maysa pay a dakkel nga unibersidad iti Baguio City ti nangidiaya iti panagpresidentena idi Hulio 2004. Pinaay ni Dr,. Agnir dagitoy nga awis gapu iti komitmentna a mangiringpas iti Ten-Year Development Plan na iti NCC.
Binutosan ti American Biographical Society ti Estados Unidos a kas Man of the Year 2005 in Educational Management. Awatenna pay iti nasao nga asosasion ita a bulan ti Hulio iday Raleigh, North Carolina ti Lifetime Achievement Award in Corporate Management.
Impaay pay kenkuana ti Siudad ti Laoag ti pammadayaw a kas Most Outstanding Laoague?o in Education in 2005. Sangapuloda amin a Laoague?o manipud iti nagduduma a tay-ak ti napadayawan itay napan a tawen.
Imppaay met kenkuana ti Ilocos Norte National High School, ti nagturposanna iti sekundaria, ti pammadayaw nga Outstanding Alumnus Award kabayatan ti 2006 Ilocos norte National JHigh School Centennial Alumni Congress.
Nagnguido ti umuna a termino ni Dr. Agnir a kas presidente ti NCC idi tawen 2000. Nupay kasta, napabaro ti terminona ket nasgpatingga daytoy itay napan a tawen 2005. Gapu iti naisalsalumina a track record ni Dr. Agnir, kiniddaw ti Board of Trustees nga agtakem manen iti sabali pay a lima a tawen.
Inasawana ni dati nga Adela Naidas, agdama a dekana ti College of Theology ken consultant ti Collewge of Nursing ti NCC. Riningpas ni Mrs. Agnir ti Nursing iti University of the Philippines. Nagturpos pay iti Asian Theological Seminary a nangalaanna iti master's degree. Nagpaay a propesorea iti Far Eastern University ken University of Pangasinan iti unos ti adu a tawen. Lima dagiti annakda a nagturpos amin iti University of the Philippines. Nangangato amin ti puesto dagiti annakda ket tallo kadakuada ti agnanaed iti ballasiw taaw.
-30
(Maipablaak daytoy a tartaraudi ti artikulo a "DR. CAESAR I. AGNIR--PINAGLUPOSNA TI NORTHERN CHRISTIAN COLLEGE" iti Bannawag Magasin, petsa Hulio 31, 2006, ngem rummuar iti Laoag City iti Hulio 26, 2006.
Nabutosan a chairman ken presidente ti Association of Christina Schools, Colleges and Universities para tawen 1999-2000. Nabutosan pay a chairman ken presidente ti United Church of Christ in the Philippines - Church Related Educational Action Towards Empowerment (UCCP - CREATE) para tawen 2002-2008. Isu pay ti agdama a presidente ti Ilocos Norte Association of Schools for Advanced Studies (INASAS) a pagkamkamengan ti Mariano Marcos State University, Northwestern University, Divine Word College of Laoag ken ti Northern Christian College.
Inawatna idiay Bethlehem University, Israel idi Hulio 2000 ti Jubilee Year 2000 International Award for Distinguished Servuice to Global Higher Education manipud iti International Forum for Associations of Christian Higher Education. Sangapulo ket pitoda amin nga international educational leaders nga immawat iti nasao a pammadayaw.
Idi Hulio 2001, inimbitaran ti Oxford University ti Inglatera, kaduana dagiti 39 international educational leaders , tapno tumabunoda iti Oxford Round Table, ti nailubongan a think-tank forum maipapan kadagiti dadakkel nga isyu a pakaibiangan ti global higher education. Idiay Oxford, maysa isuna kadagiti walo a panel discussion leaders ket nakiddaw ti panangkritikarna iti konsepto ti virtual education a trinatar ti presidente ti maysa nga unibersidad iti Finland. Dinaydayaw dagiti kakaduana ti panangkritikarna iti konsepto a maibilang a baro a dalluyon iti agpang ti higher education. Ti gapuna? Largely extemporaneous ti panangkritikarna iti virtual education. Nagayus a kasla lana dagiti imbalikasna. Naipablaak ti nasao a critique iti Manila Bulletin, kasta met met iti maysa a business column iti Philippine Daily Inquirer.
Idi Nobiembre 2002, kiniddaw ti Board of Regents ti Mariano Marcos State University iti Batac, Ilocos Norte ti panagkamkamengna iti Three-Man Committee dagiti edukador a mangtasar iti naaramidan ti Presidenteda ken tingitingenda no maikari daytoy a madutokan manen iti sabali a termino.
Kiniddaw manen ti Board of Regents ti MMSU Batac idi Diisiembre 2004 ti panagkamkamengna iti grupo dagiti lima nga edukador a mangpili iti baro a presidente ti nasao nga unibersidad.
Iti immun-una a gundaway, idi 1997, inimbitaran dagiti Board of Regents ti dua a dadakkel nga unibersidad iti kabisayaan tapno agbalin a presidente dagitas a pagasdalan. Manen, idi Pebrero 2004, inulit ti maysa kadagiti nasao nga unibersidad ti awisna ken ni Dr. Agnir nga agpresidente. Maysa pay a dakkel nga unibersidad iti Baguio City ti nangidiaya iti panagpresidentena idi Hulio 2004. Pinaay ni Dr,. Agnir dagitoy nga awis gapu iti komitmentna a mangiringpas iti Ten-Year Development Plan na iti NCC.
Binutosan ti American Biographical Society ti Estados Unidos a kas Man of the Year 2005 in Educational Management. Awatenna pay iti nasao nga asosasion ita a bulan ti Hulio iday Raleigh, North Carolina ti Lifetime Achievement Award in Corporate Management.
Impaay pay kenkuana ti Siudad ti Laoag ti pammadayaw a kas Most Outstanding Laoague?o in Education in 2005. Sangapuloda amin a Laoague?o manipud iti nagduduma a tay-ak ti napadayawan itay napan a tawen.
Imppaay met kenkuana ti Ilocos Norte National High School, ti nagturposanna iti sekundaria, ti pammadayaw nga Outstanding Alumnus Award kabayatan ti 2006 Ilocos norte National JHigh School Centennial Alumni Congress.
Nagnguido ti umuna a termino ni Dr. Agnir a kas presidente ti NCC idi tawen 2000. Nupay kasta, napabaro ti terminona ket nasgpatingga daytoy itay napan a tawen 2005. Gapu iti naisalsalumina a track record ni Dr. Agnir, kiniddaw ti Board of Trustees nga agtakem manen iti sabali pay a lima a tawen.
Inasawana ni dati nga Adela Naidas, agdama a dekana ti College of Theology ken consultant ti Collewge of Nursing ti NCC. Riningpas ni Mrs. Agnir ti Nursing iti University of the Philippines. Nagturpos pay iti Asian Theological Seminary a nangalaanna iti master's degree. Nagpaay a propesorea iti Far Eastern University ken University of Pangasinan iti unos ti adu a tawen. Lima dagiti annakda a nagturpos amin iti University of the Philippines. Nangangato amin ti puesto dagiti annakda ket tallo kadakuada ti agnanaed iti ballasiw taaw.
-30
(Maipablaak daytoy a tartaraudi ti artikulo a "DR. CAESAR I. AGNIR--PINAGLUPOSNA TI NORTHERN CHRISTIAN COLLEGE" iti Bannawag Magasin, petsa Hulio 31, 2006, ngem rummuar iti Laoag City iti Hulio 26, 2006.